လေဆိပ်မှာ (၁)

ကျွန်တော့်အလွမ်းတွေက
သင့်ဆီကို အလည်မလာဘူးလား။

ကျွန်တော့်မှာ သည်းနေအောင်
ရွာနေတယ်
တစ်တောလုံး တစ်မြို့လုံးလည်း
ကောင်းကောင်းကြီး ကြွေနေတယ်။

မိုးလေ ကင်းလွတ်သော နေရာဟာ
သင့်ရင်ခွင် ကျဉ်းကျဉ်းလေးပဲလို့
လေနီမလေး ယုံကြည်ပါ

မနက်ဖြန်က သင့်နာမည်လေး သုံးလုံးဖြစ်ပြီး
ထမင်းမစားခင် သင့်လက်ကို
ကျွန်တော့်မျက်ရည်တွေနဲ့ ဆေးကြောပါ
ကျွန်တော့်မျက်ရည်တွေက ဘက်တီးရီးယားတွေကို သေစေနိုင်ပြီး
သင့်လက်ချောင်းလေးတွေကို ပိုလို့နူးညံ့လာစေမယ်။

ကျွန်တော် စိတ်ကူးမထားတဲ့ အရပ်မှာ
သင့်ရယ်သံဟာ လွတ်လပ်ပွင့်လင်းနေပါစ
ကလေးမလေး နှစ်နှစ်ခြိုက်ခြိုက် ရယ်ပါ ပြုံးပါ
ကျွန်တော်ဟာ အေးလို့ တုန်လို့ နှင်းတွေထဲမှာ ကျန်ခဲ့တာ
လေဆိပ်ဟာ ကြေကွဲရောင် ဖိတ်ဖိတ်တောက်လို့
ခေါင်းကလေးငုံ့ပြီး ပြန်လာခဲ့တာ။

ပိုင်မင်းဆွေ

ဖေဖော်ဝါရီ ၁ ၊ ၂၀၁၀
မနက် ၇ နာရီ ၃၈။

နေ့တိုင်းလွမ်းရှင့်

မြစ်အဆင်းနဲ့ အိမ်အပြန်မှာ သာယာလှဘိတောင်း။
သဲ၊သောင်နဲ့ တရွေ့ရွေ့ရေများ။ ကြည့်၊ ဟောဒီမှာ
ညိုညိုမောင်းမောင်းမြစ်မင်း။ ၀စီပိတ်တောလယ်မှာ
ချုံအတိနဲ့ကြား စီးဆင်းလို့။ ဓူဝံဟာငါ့ကို ရှက်ပါ့ ထင်မိ။
နေဘယ်မှာနေ၊ ငါဘယ်မှာငါ ၊ မခိုင်တဲ့အရပ်လေးမျက်နှာ။
စီးတွေတွေတည့်၊ အိုဘယ့်ဘယ်ရှင် ၊ အိုဘယ့်ဘယ် ရွှေပြည်နန်း။
လျှပ်ရောင်တန်းမျှ၊ အဲဒါမဲဇာလား၊ အဲဒါ မဲဇာတောင်ခြေလား။
သဲသာအောင်မြေ၊ တစ်ယောက်စီရဲ့ မဲဇာတောင်ခြေ။ ။

ဇေယျာလင်း
၃၀ အောက်တိုဘာ ၀၅
မှတ်ချက်။ ။ လက်ဝဲသုန္ဒရသို့ ဦးညွတ်နားလည်စွာဖြင့်။
ကဗျာရေးသူကို ထုတ်လုပ်ခြင်း ကဗျာစာအုပ်။
၂၀၀၇ ဇူလိုင်။

...........................................................

အိမ်

တို့လက်နဲ့ ထုဆစ်ထားတဲ့
ကြယ်ပျက်တွေများစွာ ပြန့်ကျဲလို့
သမုဒယသစ္စာတေးကို သီရင်း
ခရီးဆက်သူ သူပါပဲ၊

တစ်ယောက်နဲ့တစ်ယောက် သွေးကြောထဲထည့်
စည်းချက်လိုက် စီးဆင်းရင်း
ဒီမီးနဲ့ပဲ ခုတ်မောင်းသွားတော့မယ်
ဒုက္ခသစ္စာ သံတုံးသံခဲများကို
လဲမှို့လေးပမာ "ဖူး" ကနဲ မှုတ်ထုတ်လိုက်ရုံ
ဒီလောက်ပဲ လိုအပ်တယ်။

အချစ်ဆိုတဲ့ စာသားအား
သူမက ကျယ်လောင်စွာ မပြောဆိုဘူး
ဒါကို သူရဲကောင်းကြီး သူက
ကီးထည့်၍ တီးခတ် သီဆိုလို့ဆို
သွန်လိုသွန် မှောက်လိုမှောက်
ဘယ်လိုလုပ်လုပ် ဖာထေးစရာ မလိုလောက်အောင်
မပျက်မစီး ရှိနေသေးတယ်
တောက်ပြောင်လို့ ၀င်းပလို့
ခန်းဆီးစများလည်း တလက်လက် လွင့်လို့
လေဟာ ချောင်ကြိုချောင်ကြားပါ မကျန်
နေရာမှန်သမျှ ၀င်ချင်တိုင်းဝင် ထွက်ချင်တိုင်းထွက်
အပြုံးပန်းတွေ အဆုပ်လိုက် အဆုပ်လိုက်
ဖွားကနဲ ဖွားကနဲ
ပွင့်လို့။

ပိုင်မင်းဆွေ

ညနေ ၈း၄၀
၂၅ နိုဝင်ဘာ ၂၀၀၉။


........................................................

လင်စိတ်သားစိတ်များ

အမှောင်ကို မိုးကာ အင်္ကျီတစ်ထည်လို ခြုံရင်း
ညှို့ထားတဲ့ ဂီတဟာ
လမ်းကြားတွေထဲ စီးဆင်းသွားတယ်။

အာရုံဟာ ဆံဖျားတွေထိ
တဆတ်ဆတ် လွန့်လူး ထိုးတက် တုန်ခါ
စိတ်လျော့လိုက်တာနဲ့ မီးလောင် ပျက်စီးသွားတော့မယ်
ဒီစံပယ်ပန်းပင်လေးဟာ
ရိုးသားသလောက် ရိုင်းစိုင်းကြမ်းတမ်း လွန်းလှရဲ့။

သင့်လက်ချောင်းတွေနဲ့ ထိလိုက်တဲ့အရာတိုင်း
မခံနိုင် အရည်ပျော်ကျ
သံခဲတွေလည်း မနေရဘူး အရည်ပျော်ကျ
သင်ဟာ သင့်ကိုသင် မယုံတော့ဘူး
မှန်ထဲမှာ ကိုယ့်ရုပ်ကိုယ်ပြန်ကြည့်ပြီး လမ်းမပေါ်ပြေးထွက်။

ယမ်းဖောက်ခွဲအပြီး ဆက်တင်ဟာ
မီးခိုးငွေ့တွေနဲ့ မှုန်ဝါးကျန်ခဲ့
အခိုးအငွေ့တွေကြားမှာ သင့်ပုံဟာ မသဲကွဲဘူး
ငွေရောင် ပိတ်ကားပေါ်မှာ ဒီလိုပဲ သင်မြင်ရမယ်
သင်ဟာ ဒူးထောက်လိုက်တယ်
တစ်ခုခုကို ဆုတောင်း ရွတ်ဆိုလိုက်သလို အက်ရှင်နဲ့။

ကိလေသာကင်းစင်တော်မူသော ဘုရားသခင်
တပည့်တော်တို့ဟာ
ဒီလိုနဲ့ ပေါက်ဖွားလာခဲ့ပါပြီ
သစ္စာကို မသိသေးသရွေ့... လို့။

ပိုင်မင်းဆွေ

လေထဲကအိမ်လေး၂

ကိုယ်တို့စိတ်ကြီးဝင်မှုတွေနဲ့

ခေါင်းမော့နေသူအိမ်လေး။

လေလို တိမ်တိုက်လို ပျက်စီးသွားမယ်လို့

စိုးရိမ်နေရပါတယ် မရေရွတ်ဘူး

တို့သိတယ် အိမ်ရှေ့မယ်

အမြဲတမ်းခံတပ် စံပယ်ရုံအုပ်အုပ်တွေက

ရနံ့တွေနဲ့ စောင့်ရှောက်နေကျ

ခြံထဲဝင်ဖို့ သစ်သားတစ်ခါးလေးကို တွန်းဖွင့်လိုက်ရင်

သင့်အရပ်က သူမအသံနဲ့ မလွတ်လို့

ဆည်းလည်းလို မြည်လိမ့်မယ်

စံပယ်ရနံ့တွေနဲ့ တွန်းလား ထိုးလား လုပ်ရမယ်။

အိမ်ရှေ့ဝါးပက်လက်ကုလားထိုင်လေးပေါ်မှာ

မဂ္ဂဇင်းကဗျာတွေ ထိုင်ဖတ်နေသူဟာ ကျွန်တော်ပါပဲ

ဒါဟာ သူမရဲ့ စိတ်ကူးစိတ်သန်း ရုပ်တုလည်း ဖြစ်တယ်။

ဘ၀အမောဆိုးသွမ်းမှုတွေကနေ

တတ်နိုင်သမျှလွတ်ကင်းအောင် ကြိုးစားနေထိုင်နေသောအိမ်

ဆောင်းဝင်ရင် မြောက်ဖက်တံခါးချပ်ဆီက

စက္ကူစင်္ကြာလေးတွေ တ၀ီဝီ လည်ပတ်လို့ပေါ့။

သူမရဲ့ရယ်သံတွေနဲ့ပဲ

အိမ်ကိုထုဆစ်ခဲ့တာလို့ ကျွန်တော်ပြောမယ်

ဒါဟာ ကမ္ဘာကြီးပေါ်က အမှားများစွာထဲ

ကိုယ်တို့ရဲ့ ချစ်စွာသော အမှားကို ကြေညာခွင့် ရတာပါပဲ

လေဟာ အိမ်ရဲ့နေရာအနှံ့ ၀င်ချင်တိုင်းဝင် ထွက်ချင်တိုင်းထွက်

ပြတင်းတံခါးတွေကို အမြဲလိုလို ဖွင့်ထားခဲ့တယ်

ခန်းဆီးစတွေ လွင့်ပျံနေခဲ့တယ်

အိမ်ရှေ့က မြေကပ်ပန်းခင်းလေးဟာ

ဖြူနီပြာဝါ၊ အမြဲလိုလို ပွင့်နေခဲ့တယ်

ငှက်တွေဟာ သူတို့အတွက် နေရာချပေးခဲ့တယ်လို့ ခံယူရင်း

ခြံထဲက သစ်ပင်တွေမှာ စိတ်ချလက်ချ ကူးလူးပျံသန်းနေခဲ့တယ်။

ပိုင်မင်းဆွေ

.......................................................................

လေထဲကအိမ်လေး

လေထဲက အိမ်လေးဟာ အမှန်တကယ်ဖြစ်တယ်
လေထဲက အိမ်လေးဟာ ထိတွေ့ကိုင်တွယ်လို့ ရတယ်။

လောကဓံကို ၀န်ထုပ်ဝန်ပိုးတစ်ခုလို
မတွေးခေါ်တာက အိမ်လေးရဲ့ အထာပဲ
မိုးပြာရောင် ခန်းစီး စတွေ လွင့်ပျံလို့
အိမ်အ၀င်မှာ သူ့ရယ်သံလွင်လွင်ကို ချိတ်ဆွဲထားတယ်။

ကိုယ်တို့ခိုးယူထားတဲ့ ကြယ်တွေနဲ့
ညပ်သပ်နေတဲ့ အိမ်ကလေးလို့
ကိုယ့်အပြောကို သဘောကျ စွာ
နှုတ်ခမ်းပေါ် လက်လေးအုပ်ပြီး ရယ်မောနေကျ
ကဗျာတွေရွတ်ဖတ်နေကျ သီချင်းအတူဆိုနေကျ
ချစ်ခြင်းရဲ့ အနက် ဟာ ပီပြင်စွာ
ဒီလို ယဉ်ကျေးမှုမျိုး ဖောဖောသီသီ ထွန်းကားတဲ့
အိမ်ကလေး။

ဘယ်တော့မှ အပြစ်မတင်တတ်တဲ့ သူ့အပြုံးနုနုအောက်မှာ
ကိုယ့် အမှားတွေဟာ ရိုကျိုး သိမ်မွေ့လို့
တစ်ခါတစ်ခါ ကိုယ့်ဆီက လွတ်ကျလာတတ်တဲ့ အော်ဟစ်သံဟာ
အိမ်ရဲ့ ဆည်းလည်း လို့လဲ ပြောတတ်သေး
ကိုယ် ဘယ်လို လုပ်ရမလဲ၊ ဒါဟာ။

ရောင်စုံအိပ်မက်တွေဟာ ဒီအိမ်ကလေးမှာ
ခင်းထားတဲ့ ကြမ်း ဖြစ်တယ်
ကိုယ်တို့ရဲ့ ရိုင်းစိုင်းကြမ်းတမ်းမှုတွေကို မြေကြီးပေါ်ချစိုက်လိုက်တော့
ဝါးပင် ၀ါဝါ ကြီးတွေ ပေါက်လာတယ်
လူတွေတပ်မက်တတ်တဲ့ ငွေကြေးနဲ့ကျော်ကြားမှုတွေဟာ
အိမ်နောက်ဖေးက စမ်းချောင်းလေးနဲ့အတူစီးဆင်းသွားခဲ့ပြီ။

ငှက်တွေအိပ်တန်း ပြန် သလို
နေညိုရင် ကိုယ်ပြန်ရမယ့်နေရာ
လေပြင်းနဲ့ကြုံလည်း မရောက်,ရောက်အောင် ကိုယ် ပြန်ခဲ့ပါမယ်
အိမ်ရဲ့ နံရံ ၊ မျက်နှာကျက် ၊ ပြတင်းတံခါးများနဲ့ သူမ
ကိုယ့်ကို အမြဲဖမ်းစားထားလို့လည်း
မရောက်,ရောက်အောင် ပျံသန်းခဲ့ပါမယ်။

မေ့မသွားနဲ့ပေါ့ ဒါဟာ
တကယ်ရှိတဲ့ အိမ်လေး ၊ မြင်ရတယ် ကြားရတယ်
သူ့စိတ်ကလေး ကိုယ့်ဆီ တိမ်းညွတ်နေသ၍
အိမ်ကလေး ရှိနေတယ်
ကိုယ့်မိုးသားတွေ သူ့ဖက်ကို ရွေ့လျားနေသ၍
အိမ်ကလေး ရှိနေတယ်
ဒီခေတ်ထဲမှာ မလွယ်ပါဘူး ဆိုတဲ့
ကိုယ်တို့ စောင့်စည်း သည်းခံ နိုင်မှု တန်ဖိုးကြီးကြီးကြောင့်လည်း
အိမ်ကလေး အမြဲ ရှိနေတယ်။

ပိုင်မင်းဆွေ


Related posts
------------>> လေထဲကအိမ်လေး၂
------------>> အိမ်

------------>> ကိုယ်တစ်ဦးတည်းအတွက် ရွေးပြီး လင်းတဲ့ကြယ်

ကဗျာဖတ်သူ သူငယ်ချင်းများသို့

....................................................................................................................................

တခါတရံ အွန်လိုင်း တက်ဖြစ်လို့ ကိုယ့် ဘလော့လေး ကိုယ်ဝင်

visitor map လေးကို ကြည့်လိုက်တော့

0 places today ( 0 views) တဲ့။

ကဗျာလာရောက်ဖတ်တတ်တဲ့သူတွေကို စိတ်ပျက်စေသလို

ဘယ်သူ့ကိုမှလည်း နှုတ်မဆက်ဖြစ်တော့ ဘလော့လေးက သေနေခဲ့ပါပြီ။

ကဗျာတွေရေးဖို့ ရေခံမြေခံ အရင်းအမြစ်တွေပျောက်ဆုံးသွားခဲ့သလို

စိတ်ဓာတ်ဖျားနာနေတာလဲ ပါတာပေါ့။

ဒီရက်ပိုင်းလည်း ကဗျာလေးတွေကြိုးစားရေးဖို့ ကြိုးစားနေမိပါတယ်။

လကုန်ဖြေရမယ့် စာမေးပွဲကလည်း မအောင်ရင် ရပ်နားတင်ရမယ် ဆိုတော့

လောလောဆယ်တော့ စာအုပ်ပုံထဲ ကူးခပ်ရဦးမယ်။

ဂျွန်လ ဒုတိယ ပတ်လောက်မှာ မိုးစက်တွေနဲ့ ကဗျာလေးတွေနဲ့ ပြန်လာပါမယ်ဆိုတဲ့အကြောင်း

သူငယ်ချင်းများကို အော်ဟစ်လိုက်ပါတယ်ခင်ဗျား...........။

.................................................................................................

ဆိုးသွမ်းသူ လေပြင်းကြောင့် ဒုက္ခရောက်နေသူတွေကို ကူညီကြပါစို့

အခန်းရဲ့အပြင်အဆင် ၅

ပွဲဈေးတန်းလျှောက်ချင်တဲ့စိတ်ကို
နတ်သမီးလေးနဲ့ ထိန်းကွပ်ထားရတယ်။

ငါ့ဘ၀ တောင်ယာတဲလေးအပေါ်
မိုးတွေဆိုတာလည်း အရမ်းရွာတာပဲ
ကိလေသာကနေ လွတ်နေတာလား ငြိနေတာလား
ငါဘာမှ မတတ်နိုင်ဘူး။

၇-ရက်နေ့မှာ ငါရိုက်လိုက်တဲ့ ကြေးနန်းက
၈-ရက်နေ့မှာ ငါ့ဆီပြန်ရောက်လာတယ်
လိပ်စာမှားပေးမိသူ။

ငါ့ညီရဲဝင်းရေ
မင်းမှာလည်း မကြာခင်သ်ိလာမှာပါကွယ်
ငယ်ငယ်တုန်းက မင်းကြောင့်ငိုခဲ့ရတဲ့ မင်းအစ်ကို
အခု ငိုစရာတွေများလွန်းလို့ မျက်ရည်မထွက်နိူင်အောင်ဖြစ်ရပြီ

မင်းအစ်ကိုဟာ စိတ်ပျံ့လွင့်လွယ်သူ
တွေးမိခေါ်မိသမျှ ဘာတစ်ခုမှ လက်တွေ့မလုပ်ဖူးသူ
မင်းအစ်ကိုက ကြယ်တွေကိုမှ ဖွဲ့နွဲ့ချင်ပါသတဲ့
ဒီတစ်ခါလူတွေရဲ့ရယ်သံက ပိုကျယ်လောင်သွားတယ်

ကမ္ဘာမြေကြီးအတွက် မရေးဖြစ်ခဲ့တဲ့ ကဗျာတစ်ပုဒ်
တစ်ချိန်မှာ မင်းဖတ်မိခဲ့လို့
မင်း တွေ့ရမယ့် အရောင်မွဲမွဲ အိပ်မက်များ
ဒဏ်ရာတစ်ခုမှ မရှိသလို နေထိုင်ခဲ့မှုများ
မျှော်လင့်ခြင်းလေပြင်းတွေ တိုက်ခတ်လာတဲ့အခါ
မင်းအစ်ကိုရဲ့အချစ်ရေးကလည်း သုံးမရအောင်ပွန်းပဲ့သွားတဲ့အကြောင်း
ဒါဟာလည်း မင်းအနေနဲ့ ဖတ်သင့်တယ်ဆိုတဲ့
စာအုပ်ပေါ့လေ။

ပိုင်မင်းဆွေ

....................................................................................................................

မတ်လ စာပန်းချီ

မတ်လ ဒုတိယ ပတ်လောက်မှာ ထွက်လာမယ်ဆိုတဲ့
စာပန်းချီ မတ်လ မှာ ပြန်လည် ဆုံတွေ့ကြပါအုံးစို့။




................................................................................................................