လယ်ကန်သင်းရိုးပေါ် လေချွန် လမ်းလျှောက်
မြက်ခင်းနဲ့ မြေသားကို ကိုင်တွယ်စမ်းသပ်ကြည့်
ကျွဲတွေကြားထဲ ရွှံ့ရေ ၀င်လူး
ကမ္ဘာမြေဟာ တယ် အရသာရှိပါလား

Pages

Thursday, June 21, 2007

မိုးများ

သပ်သပ်ရပ်ရပ် အုံ့ဆိုင်းနေပေမယ့်
ပရမ်းပတာ ရွာကျလာမှာပါပဲ။

" မိုးရွာရင် ရေရတယ် "
" သစ်ပင်တွေက မိုးကြိုက်တယ် "
" နောက်ပြီး မိုးရွာထဲမှာငိုရင်လူမသိဘူး "
" မိုးတွေက အားကိုးရတယ် "
လက်ညှိုးလေးတထောင်ထောင်နဲ့ သူမရဲ့ စကားသံများ
အဲဒီတုန်းက မိုးတွေနဲ့အတူ ရွာကျခဲ့တာ။

အလွတ်ရနေတဲ့ နံပါတ်လေးက ခေါ်ဆိုလို့မရဘူး
မိုးရွာလို့ ဖုန်းလိုင်းပျက်နေပါတယ်တဲ့
မိုးမိလို့ စုတ်ပြဲသွားတဲ့စာတစ်စောင်ထဲ
စုတ်ပြဲသွားသော အိပ်မက်များ
ငါ့နှလုံးသားလေးဆိုတာလည်း
မိုးတွေစိုကုန်လို့မပျံနိုင်တော့တဲ့ အသံဝါ၀ါငှက်ကလေး
မိုးထဲလေထဲ ခေါင်းငိုက်စိုက်ကျ တုန်ယင်လို့။


မိုးရာသီတွေကို ကျော်ပစ်လိုက်တယ်
မိုးတွေနဲ့ ခပ်ကင်းကင်းနေခဲ့တယ်
မိုးတွေရဲ့အဝေးဆုံးကို ပြေးထွက်ခဲ့ပါတယ်
ရှောင်လို့မရတဲ့အခါ မိုးနဲ့ရောပြီးငိုတတ်ခဲ့
မိုးရွာထဲပြန်တွေ့တုန်းကသူမလှမ်းပေးတဲ့ထီးကလေး
ရင်နာနာနဲ့ ငြင်းခဲ့တယ်
နောက်ဆုံးကျတော့မိုးတွေရွာလာရင်
ဇာတ်လမ်းအဆုံးမှာ ကျွန်တော့်အခန်းတံခါးတွေ ပွင့်လာတယ်ကို မရှိတော့ဘူး။

ပိုင်မင်းဆွေ


Saturday, June 9, 2007

သင့်စကားလုံးများနဲ့ ကျွန်တော့်အခန်းရဲ့အပြင်အဆင်

မေတ္တာတရားအကြောင်းပြောတုန်းက
ရယ်သံတွေပဲ အဖတ်တင်တယ်။

ကိုယ့်ထက်ငယ်ရွယ်သူရေ
လူ့အဖြစ်ကိုမေ့လျော့ပြီး
သင့်ကိုချစ်ခဲ့မိတာပါ။

သင်နဲ့ပတ်သက်ရင် မာကျောလွန်းသူတန်မဲ့
ခွေးကလေး ကြောင်ကလေးလို ယဉ်ပါးလွန်းခဲ့တယ်။

သင်က ကျွန်တော့်အသက်ကိုမှ ဆော့ကစားချင်တဲ့အခါ
ကျွန်တော်ပြုံးနေလိမ့်မယ်
ကျွန်တော်ပြုံးနေတာဟာ ကျွန်တော်အသေခံတော့မယ်မှန်း
သင်မသိဘူး၊ သင်ကတော့ထုံးစံအတိုင်း တခိုးခိုး တခစ်ခစ်
ရယ်နေမယ် ပျော်နေမယ်။

အဆိုးဖက်ကမျှော်လင့်ရင်း
လက်တွေကို ဆန့်တန်းထားပါတယ်
သင်ကနောက်ဘ၀ကို ချိန်းဆိုတယ်ဆိုလည်း
မငြင်းဘူးဆိုတဲ့ လူတစ်ယောက်ပေါ့။

ပိုင်မင်းဆွေ

၂၀၀၅
........................................................

Friday, June 8, 2007

ကျောင်း


တစ်စုံတစ်ယောက်က မေးရင် ဖြေဖို့
ကျောင်းဟာ ခေါင်းမော့ထားတယ်။

လူလူချင်း အချိတ်အဆက်မိဖို့
စိတ်ကူးစိတ်ကူးချင်း အချိတ်အဆက်မိဖို့
အဝေးပြေးလမ်းမများ၊
ခြစ်ကြည့်
မီးတောက်တယ်
တီးလိုက်ရင် အသံထွက်တယ်။

ပြတင်းပေါက်ဆိုတာလည်းကျောင်းပဲ
ပင်လယ်ပြင်ဆိုတာလည်းကျောင်းပဲ
အာဒံနဲ့ဧ၀ဟာ ကမ္ဘာဦးကျောင်းကဖြစ်ပြီး
ရွှေကိုကျောင်းထဲက တူးဖော်ရတယ်။


မင်းဆွေ(ကလေး)

အောက်တိုဘာ ၂၀၀၄
သည်းထိတ်ရင်ဖို

မှတ်ချက်။        ။ ပထမဆုံး မဂ္ဂဇင်းစာမူ နှင့် ပထမဆုံး ကလောင်။
..............................................................................................