ရွေ့လျားစကားပြောစက် ၊ ကျွန်တော်နဲ့ အနီးအဝေး ခေါ်ဆိုမှုများ

ကျွန်တော် နှစ်သက်ရာ တုန်းကို
ကျွန်တော် ရွေးချယ်ခွင့်ရှိသလို
ကျွန်တော် ရွေးချယ်ထားတယ်။

ရွေ့လျားစကားပြောစက်ဟာ ကျွန်တော့်ဘ၀ထဲကို
ခုန်ပျံ ၀င်ရောက်လာခဲ့မယ်လို့
ကျွန်တော် တွေးမထားဘူး။

ရွေ့လျားစကားပြောစက်ဟာ အချစ်ကံခေတဲ့
ကျွန်တော့်လို လူတစ်ယောက်ကို
ခေါ်ဆိုမှုများနဲ့ လှုပ်နှိုး
ဘ၀ဟာ ပြန်လည် ရှင်သန်လာခဲ့တယ်။

ကျွန်တော်ကြိုးစား တည်ဆောက်ခဲ့တဲ့
မြန်မာငွေအသိုက်အမြုံလေးဟာ
ရွေ့လျားစကားပြောစက် ဖြစ်တယ်
ကျွန်တော့်ရဲ့ ရှိစု မဲ့စု ငွေကြေးဟာ
ရွေ့လျားစကားပြောစက် အဖြစ်နဲ့ ထရပ်ကာ
သူက လက်ကလေး နောက်ပစ်လို့ လမ်းလျှောက်နေခဲ့တယ်။

ရွေ့လျားစကားပြောစက်ထဲမှာ ကျွန်တော်က
ဂျန်းဂျီဟွန်းကို ထည့်ထားတယ်
( သူမ ငိုနေပုံက ကျွန်တော့်ကို တုန်လှုပ်စေတယ် )
ကင်ထယ်ဟီးကို ထည့်ထားတယ်
( သူမ ရယ်နေပုံက ကျွန်တော့်ကို လတ်ဆတ်စေတယ် )
ကျွန်တော့်သူငယ်ချင်းများရဲ့ လိပ်စာများ
ကျွန်တော်မှတ်မထားနိုင်တဲ့ အချက်အလက်များ
ကျွန်တော်ရဲ့ ကဗျာရွတ်သံများ
သီချင်းအချို့နဲ့ လူသိနည်းတဲ့ကျွန်တော့်အိပ်မက်များကိုလည်း
ကျွန်တော်က ထည့်ထားသေးတယ်။

ငွေကြေးချို့တဲ့သူ ကျွန်တော့်အတွက်
ကျွန်တော့်ရဲ့မော်ဒယ်မမြင့်တဲ့ ရွေ့လျားစကားပြောစက်ဟာ
နောက်ဆုံးပေါ်ဆော့ဝဲ သုံးစွဲမှုတွေကနေတော့
ကျွန်တော့်ကို ဖြတ်တောက်ထားတယ်။

ရွေ့လျားစကားပြောစက်ကို ကျွန်တော်သုံးစွဲပုံဟာ
ဖက်ရှင်တစ်ခုအနေနဲ့မဟုတ်
စတန့်ထွင်မှုတစ်ခုအနေနဲ့မဟုတ်
မြန်မာငွေပိုလျှံနေလို့လဲမဟုတ်
အဲဒီလို မဟုတ်ခြင်း များစွာရဲ့ နောက်ကွယ်ကနေ
ကျွန်တော် သုံးစွဲခဲ့တာ။

ရွေ့လျားစကားပြောစက်ဟာ ကျွန်တော့်ရဲ့
အလိုက်မသိတဲ့ ကောင်မလေးဆိုလည်းဟုတ်တယ်
( အိပ်နေတဲ့ အခါလည်း ဖုန်းဝင်လာတတ်လို့ )
မဆိုစလောက် ငွေကြေးမြုပ်နှံမှု တစ်ခုဆိုလည်း ဟုတ်တယ်
( မပြေလည်သေးတဲ့ ကျွန်တော့်တွက်တော့ ရွှေစပေါ့ )
စီးပွားရေးထွက်ပေါက် ၊ ကောင်းမွန်သော အခွင့်အလမ်းများနဲ့ ဆက်သွယ်ထားရာ
ပေါင်းကူးလမ်းလေးဆိုလည်း ဟုတ်တယ်
အဝေးရောက်သူငယ်ချင်းများအား ကျွန်တော့်အနားသို့
တွန်းပို့ခေါ်ဆောင်လာရာ ယာဉ်ပျံတစ်မျိုးဆိုလည်း ဟုတ်တယ်
ကြွေးရှင်နဲ့တူတဲ့ လစဉ်ဘေတွေကို
မပြတ်ထုတ်လုပ်ရာ ခပ်ဆိုးဆိုး စက်ရုံတစ်ရုံဆိုလည်း ဟုတ်တယ်

တကယ်တော့ ရွေ့လျားစကားပြောစက်ဟာ
ကောင်းကွက် ဆိုးကွက်များနဲ့ ၀င်ရောက်လာခဲ့တာ
ဆိုင်ကယ်စီးရင်း ဖုန်းပြောတဲ့အခါ တိုက်ခိုက်မှုဖြစ်ပွားနိုင်တယ်
ခေါင်းကိုမော့ပြီး စကားပြောတဲ့အခါ ဘေးလူ အမြင်ကပ်စရာ ဖြစ်နိုင်တယ်
ဆင်းရဲတဲ့ မြန်မာပြည်အတွက် ဒါက ကြွားလုံးထုတ်ခြင်းတစ်မျိုးလည်း ဖြစ်နိုင်တယ်
ဒါပေမယ့် သူက ဘက်ထရီအား မကုန်သရွေ့ အမြဲ အွန်လိုင်းဖြစ်မယ်
သင် စက်ဖွင့်ထားသ၍ သင့်ကို အများက ၂၄ နာရီ ရနေမယ်
သူ့ကို ကိုင်ပြီး ခရီးထွက်ရင် လူများစွာနဲ့ အတူသွားရသလို
ခေါ်ဆိုမှုတွေက သင့်နောက်က လိုက်နေပြီး အဖွဲ့ကျနေမယ်
မီးဘေး ရေဘေး အမြန်သတင်းပေးလို့ရတယ်
သင့်ကို သီချင်းများနဲ့ ဖျော်ဖြေမှာဖြစ်ပြီး သင်ပျင်းတဲ့အခါ
ဂိမ်းတချို့ကိုလည်း ဆော့ကစား နိုင်သေးတယ်
သင့်ရဲ့စကားပြောစက်က မော်ဒယ်မြင့်နေခဲ့မယ် ဆိုရင်တော့
ebook ဖတ်ဖို့ စာစီဖို့ ဓာတ်ပုံရိုက်ဖို့နဲ့
အခြားသောအရာများကိုလည်း သူက
ခွင့်ပြုပါလိမ့်မယ်။

ရွေ့လျားစကားပြောစက်ကြောင့် ကျွန်တော့်မှာ
လတ်တလော ငွေကြေးကြပ်တည်းသွားသော်လည်း
ဘာပဲပြောပြော ကျွန်တော် သူ့ကို ရွေးချယ်ခဲ့ပါတယ်
သူ့ကို သားရေအိတ်လေးထဲမှာ နေရာပေးခဲ့တယ်
သူကြိုက်တဲ့ မနက်စာက အားသွင်းခြင်းဖြစ်တယ်
ရိုသေစွာ ကိုင်တွယ်ခြင်းဖြစ်တယ်
အဓိပ္ပါယ်ရှိတဲ့ call တွေ ခေါ်ဆိုခြင်းဖြစ်တယ်

သူက ရပ်ဝေး ရပ်နီး သတင်းများအကြောင်း
စိတ်ပါရင် ပါသလို အသေးစိတ် ပြောပြတယ်
သတင်းအစီရင်ခံသူ တစ်ယောက်အနေနဲ့လည်း ပြောပြတယ်
မိသားစုဝင်တစ်ယောက်လိုလည်း ပြောပြတယ်
သူစိမ်းတစ်ယောက်လိုလည်း ပြောပြတယ်
စီးပွားရေးသတင်းများအကြောင်း
အဝေးရောက်သူငယ်ချင်းများအကြောင်း
နေ့စဉ် အဖြစ်အပျက်တွေအကြောင်း
နောက်ပြီးတော့ တခုရှိသေးတယ်
သူက အပေါင်းအသင်း အသစ်များအကြောင်း နဲ့
ကျွန်တော် မျှော်လင့်မထားတဲ့ အခြားသောအရာများအကြောင်းကိုလည်း
ကောင်းကောင်း ပြောဆိုပါလိမ့်မယ်။

ပိုင်မင်းဆွေ

(၂၇ နိုဝင်ဘာ ၂၀၀၇)
မွန်းလွဲ ၁ နာရီ ၃ မိနစ်။


.....................................................................................................