ငါးအသေကောင် လိုချင်ရင်
ဈေးမှာဝယ်ပါ
ကြောက်လန့်နေတဲ့ ငါးတစ်ကောင်လိုချင်ရင်
ပိုက်ကွန်တွေနဲ့ ဖမ်းပါ
ဒဏ်ရာ ရနေတဲ့ ငါးတစ်ကောင် လိုချင်ရင်
ငါးမျှားချိတ်မှာ အစာတပ်ပြီး မျှားပါ
အရုပ်နဲ့ တူတဲ့ ငါးတစ်ကောင် လိုချင်ရင်
မှန်တွေနဲ့ လုပ်ထားတဲ့ ရေကန်အတုထဲမှာ မွေးပါ
ငါးအစစ် တစ်ကောင် လိုချင်ရင်တော့
ကျောက်ဆောင်တစ်ခုလို ရပ်နေပါ
ရင်ဘတ်ကို ဖွင့်ထားပါ
လမ်းမှားလာတဲ့ ငါးအစစ်တစ်ကောင်က
မင်းရဲ့ နှလုံးသားကိုတောင်
ဝင်ပြီး တိုးခွေ့သွားလိမ့်မှာ
အသက်ရှုသံတွေနဲ့
ရေလှိုင်းတွေကို ဖန်ဆင်းလိုက်တဲ့အခါ
ပျော်ရွှင်စွာ ကစားနေမယ့်
ငါးအစစ်တစ်ကောင် ကိုရရှိမှာ
မင်းရဲ့ လက်ချောင်း တွေနဲ့ သူ့ကို
ဖမ်းဖို့ မကြိုးစားတဲ့အထိသာ။
မြင့်မိုးအောင်
__________________________________________________________________________
ကိုမြင့်မိုးအောင်ရဲ့ ဒီကဗျာလေးဟာ ကျွန်တော်လက်ရှိခံစား ဖြစ်ပျက်နေတာနဲ့ တိုက်ဆိုင်နေလို့ တင်လိုက်ပါတယ်။ ကဗျာထဲကလို ကျွန်တော်ဟာ ငါးအစစ်တစ်ကောင်ကို ရခဲ့ဖူးတယ်လို့ ပြောရမှာပါ။ ကျွန်တော် ကျောက်ဆောင်တွေလို ရပ်တန့်နေခဲ့တဲ့ အချိန်တုန်းကပေါ့။ ကျွန်တော့်ဆံပင်တွေကို ရေမှော်ပင် လှလှလေးတွေလို့ သူထင်နေပြီး ကျွန်တော့်စိတ်ကူးများကြားထဲ ပျော်ရွှင်စွာ တိုးခွေ့ဆော့ကစားခဲ့ဖူးတယ်။လူ့ဘ၀ဟာမျက်လှည့်ပြသလိုပါပဲ။ ကျဉ်းလွန်းတဲ့ ကျွန်တော့ပင်လယ်မှာ သူ မပျော်တော့ဘူး။ ကျွန်တော် ကလည်း စိုးရိမ်စိတ်နဲ့ ငါးအစစ်လေးကို မှန်ကန်ထဲထည့်ထားသလို၊ ပိုက်ကွန်တွေ နဲ့ ဖြန့်ကျက်သလို ဖြစ်ခဲ့တယ်။ ဒေါသ မောဟ စိတ်တွေဖုံးနေတဲ့ အချစ်တွေကြောင့်ပါပဲ။ ငါးကလေးကလည်း ကျွန်တော့်လက်ကို သူ့ရဲ့သွားတွေနဲ့ ကိုက်ခဲ့ပါတယ်။ အခု ငါးကလေး သေဆုံးသွားတာလား? ပျံသန်းထွက်ခွာသွားတာလား? ကျွန်တော်မသေချာဘူး။ကျွန်တော့်လက်တွေကို ဖြန့်ထားလိုက်ပါပြီ။ကျွန်တော့်အိပ်မက်တွေကိုလည်း ခေါက်သိမ်းထားလိုက်ပြီ။ ငါးကလေးဟာ ရေတွေနောက်ကျိနေတဲ့ မှန်ကန်ထဲမှာ ပုန်းနေခဲ့တာ ဆိုရင် သူထွက်ခွာသွားဖို့ လမ်းတွေလည်း ရှင်းလင်းထားလိုက်ပါပြီ။ ကျွန်တော်က သူရင်ခုန်တဲ့ ရေလှိုင်းလေးတွေနဲ့ သူ့ရွှေရောင်အိပ်မက်တွေကို ဖန်ဆင်း မပေးနိုင်သူပါ။ သူ ရင်ခုန်တဲ့ ထိုအရာတွေရှိတဲ့အရပ်မှာ သူပျော်ပါစေ။ တိုတောင်းလွန်းတဲ့ ဘ၀ခဏမှာ ငါးကလေး ကိုယ်တိုင်လည်း လောဘ ဒေါသ မောဟ တွေ ကင်းဝေးပါစေလို့ နောက်ဆုံးအနေနဲ့ ဆုတောင်းပေးရင်း ကျွန်တော်မျက်ရည်ကျမိတယ်။ အခုတော့ ကျွန်တော်ဟာ အားတင်းဖြေသိမ့်ရင်းနဲ့ ကျောက်ဆောင်တွေလို တစ်ဖန်ပြန်လည်ရပ်တန့်လို့ပေါ့။
ပိုင်မင်းဆွေ
5:55 AM
7 April 2010
Related post >>>>> ငါးကလေးရေ.. မင်းဟာ ပျံသန်းတတ်တယ်ဆိုတာ ဟုတ်ပါသလား
-----------------------> သင့်စကားလုံးများနဲ့ ကျွန်တော့်အခန်းရဲ့ အပြင်အဆင်
-----------------------> မျက်ရည်
-----------------------> ဒဏ်ရာကဗျာ
-----------------------> ကိုယ်တစ်ဦးတည်းအတွက် ရွေးပြီး လင်းတဲ့ကြယ်
-----------------------> လေထဲကအိမ်လေး
-----------------------> လေထဲကအိမ်လေး၂
-----------------------> အိမ်
-----------------------> လေဆိပ်မှာ ၁
-----------------------> နေ့တွေ
Posts
0 comments:
Post a Comment