ဘန်ဂလောသူ

သူ့အသားအရေမှာ
အ၀ါရောင် ဆာရီ က နေမင်းကြီးလို တောက်ပေးထားတယ်
ညည်း ဆာရီ ရှည်ရှည်ကြီးနဲ့ ကမ္ဘာလုံးကို အုပ်ထားရင်
ကမ္ဘာကြီးဟာလည်း ၀ါဝါကြီး ဖြစ်နေမယ်။

အခုလိုနွေရာသီမှာ
ဆာရီအောက်က မင်းခန္ဓာကိုယ်ဟာ အေးမြနေမှာလား
အချစ်ပျက်စီးနေတဲ့ငါဟာ မင်းအကြည့်ဒဏ်တွေကိုတော့
တခြားကမ္ဘာက ဂြိုလ်သားကို လူတွေဝိုင်းအုံကြည့်သလို
ရှက်ရွံအားငယ်နေမိတာ
ဒီနေရာဟာ မင်းနေရာ။

မင်းတို့ ဒီမိုကရေစီ နိုင်ငံဟာ ဘာတွေကို ခွင့်ပြုသလဲ
ငါဟာ နိုင်ငံရေးနားမလည်သူ အညတြ တစ်ယောက်သာ
မင်း သင်ထားတဲ့ ပညာတွေနဲ့ လူတွေကို အသည်းမကွဲအောင် လုပ်ပေးပါ
ကမ္ဘာကြီးကို စိတ်ချမ်းသာအောင် ပြုစားပါ။

မင်းပြောတဲ့အင်္ဂလိပ်စကားမှာ
လျာတွေ လိပ်လိပ်သွားတာ အံ့သြစရာ
ငါရေးထားတဲ့ ပရိုဂရမ်လေးတွေကို ကလေးတွေ ဂျင်ပေါက်သလို
ကိုင် ကိုင် ပေါက်နိုင်တာကလည်း အံ့သြစရာ
မိုဘိုင်းဖုန်း ၃ ၄ လုံးနဲ့ မရပ်မနား စကားပြောနိုင်တာ အံ့သြစရာ
အံ့သြငေးမောရုံကလွဲပြီး ငါ့မှာ ပြောစရာဘာမှမရှိပါ

စကားပန်းတွေမြင်တိုင်း တစ်စုံတစ်ယောက်ကို ငါ လွမ်းတတ်တာ မင်းကို ပြောလို့မဖြစ်ပါ
သရက်ဖူးတွေ မြင်တော့ ငါ တွေဝေငေးမောနေတတ်တာ မင်းကိုပြောလို့ မဖြစ်ပါ
ငါ့အခန်းတံခါးတွေက လိုက်ကာအပြည့် ချထားတတ်တာ
ငါ့နှလုံးသားက ဘယ်လောက်ခေါက်ခေါက် မပွင့်တော့တာ။

ဒိုးဒိုးဒေါက်ဒေါက် ဘန်ဂလောသူ
မင်း ဒေါက်ဖိနပ်ကို အရောင်တောက်တာတွေမှ ရွေးစီးဖို့ မင်းအမေက သင်ကြားခဲ့သလား
ငါ့ရွှေမျက်စိထဲတော့ ဒါကို ဖက်ရှင်လို့ မမြင်တတ်တာ ခွင့်လွှတ်ပါ
မင်းပြောတဲ့ ပုံပြင်မှာ ရွှေသမင်လေးဟာ
မိဂါဒါဝုန် တောအုပ်မှာ မြက်စားနေတယ်ဆိုတာ
နောက်တစ်ခါ သရက်တွေ မဖူးခင်ထိတော့ ငါ မြင်နေရအုံးမှာ။

ပိုင်မင်းဆွေ



................................................................................

မုံရွာ

ချင်းတွင်းမြစ်ထဲ
ပဲမျိုးစုံ လှိမ့်လှိမ့် စီးဆင်းလာရာ ကမ်းစပ်ဆီ
သင်္ဘောဟာ ကျောက်ချလိုက်တယ်။

မိုးညှင်းသဗ္မုဒ္ဓေကို သွားမယ့် လိုင်းကားပေါ်
ခရမ်းချဉ်သီးပင်တွေက သီးပွင့်ပြခဲ့တဲ့ မြန်မာငွေတွေ
အိနြေ္ဒရရတက်ထိုင်နေတယ်
ဝါဂွမ်းတွေ ထန်းလျက်တွေ
ခင်ဗျားတို့ ခန္ဓာကိုယ်ပေါ် ဧည့်ခန်းဆောင်ပေါ် သို့အသွား
လိုင်းကားစီးရတယ် မြစ်ကို ဆန်ရ ဆုန်ရတယ်။

မြစ်ဟာပြောင်းပြန်စီးဆင်းတတ်သတဲ့
အောက်အကြေဆီက ပက်ကင် လှလှလေးတွေ စပိဘုတ်နဲ့ ဆန်တက်လာတယ်
အဝေးပြေးကားတွေက တံတားသစ်မှာ ဂျက်လေယာဉ်တွေလိုမောင်းလာနေလေရဲ့။

ဘုရားဖူးကားတွေ မြို့ကို ကွင်းမောင်းသွားကြပြီ မုံရွာ
ဗောဓိတစ်ထောင်၊ ကျောက္ကာရွှေဂူနီ
ရွှေတောင်ဦး၊ အလောင်းတော်ကဿဖ၊ ဖိုးဝင်းတောင်
အပြန်မှာ လယ်တီကျောက်စာတိုက်ဝင်မယ်တဲ့
လက်ပြသွားကြ လက်ပြသွားကြ။

ပါးပေါ် သနပ်ခါးကျဲကျဲလိမ်းထားတဲ့ မုံရွာ
အဝေးပြေးကားပေါ်တက်လာတဲ့ အညာသားကို လျှပ်တပြက်အင်တာဗျူးတယ်
ရန်ကုန်ဆင်းမယ်ဆိုပဲ....
ထိုမှ တဆင့် စင်ကာပူ သွားမယ်တဲ့ ....

(ဆက်ရန်)

ပိုင်မင်းဆွေ

ဂစ်တာအိုးထဲဝင်ပုန်းတဲ့ ယမ်ယမ်ခေါက်ဆွဲခြောက်

ယမ်ယမ်ခေါက်ဆွဲခြောက်ဟာ ဒီအရပ်ဒေသမှာ ရွှေဖြစ်တယ်။
ယမ်ယမ်ခေါက်ဆွဲခြောက်ဟာ လေယာဉ်ပျံကြီးစီးပြီး ရောက်လာခဲ့တာ။

နေသာသောနေ့တစ်နေ့
ခေါက်ဆွဲခြောက်ဟာ သူ့ကို ချိုးဖဲ့လိုက်လို့ မကျေနပ်ဟန်
ခုန်ပေါက်ကာ ရင်ဘတ်ထဲက ဂစ်တာဆီ ပြေးပုန်းတယ်။

ခေါက်ဆွဲခြောက်ကို မချိုးဖဲ့ဘဲ
ဒီတိုင်းစားလို့ အဆင်မပြေပါ၊ ဒါကို သူနားမလည်ဟန်
ဂစ်တာအိုးပေါက်ထဲ ၀င်ပုန်းတယ်။

ကျွန်တော်ဟာ ကလေး တစ်ယောက်လို
ဂစ်တာအိုးထဲက ခေါက်ဆွဲခြောက်ကို ရှာနေတယ်
ခေါက်ဆွဲခြောက်ဟာ စိတ်ဆိုးတတ်သလား
စိတ်ကောက်နေတဲ့ ခေါက်ဆွဲခြောက်ဟာ စားချင်စရာ
ဂစ်တာအိုးကို လှုပ်ကြည့်တဲ့အခါ သူရယ်သံကို ကြားရလည်း သူဟာ မမြင်သာတဲ့အရပ်မှာ
ကျွန်တော့်ကို ပုန်းကွယ်နေသူ ယမ်ယမ်ခေါက်ဆွဲခြောက်ဟာ ဟာသဓာတ်ခံ ၇ှိသူလား။

ခေါက်ဆွဲခြောက်ကို တစ်ချိန်မှာ ကျွန်တော်တွေ့လိမ့်မယ်
သူဟာ ဂစ်တာအိုးထဲက ထွက်မပြေးနိုင်သူပါ
ကျွန်တော် ဆက်မရှာတော့ဘူး
တီးလက်စသီချင်းကို ဆက်တီးနေလိုက်တယ်
ဂစ်တာကြိုးတွေ တုန်ခါသံကြောင့် ခေါက်ဆွဲခြောက်ဟာ နေရထိုင်ရ ခက်နေတော့မယ်
ဘာပဲဖြစ်ဖြစ် ကျွန်တော့ဂစ်တာထဲမှာ သူဟာ လုံလုံခြုံခြုံရှိနေလေရဲ့။


ပိုင်မင်းဆွေ

1.3.2010
05:07 pm