မင်း.. စိတ်ချ လက်ချ မုန်းလိုက်တော့

ငါ ဒဏ်ရာတွေနဲ့ လဲနေတော့
မင်းလည်း ရယ်မနေနိုင်ဘူးဆိုတာ ငါသိပါတယ်။

ဒါပေမယ့် ( အဲဒီ ဒါပေမယ့်ဟာ ဆက်မတွေးရဲစရာ )
မင်း တွင်တွင်ကြီး ပြောင်းလဲသွားခဲ့တယ်။

ငါ့ဘ၀က အနိမ့်အမြင့် အတက်အကျ ရှိကောင်းရှိမယ်
မအောင်မြင်တဲ့ အချစ်ဇာတ်လမ်းတွေ အများကြီး ဖြတ်သန်းရင် ဖြတ်သန်းခဲ့ဖူးမယ်
လူတစ်ယောက်ကို မင်း ဘယ်လို စံတွေနဲ့ ကြည့်မလဲ
ငါဟာ စိတ်ကူးကောင်းသူ ဆိုတဲ့ စကား အစား ၊ စိတ်ကူးယဉ်တတ်သူလို့
ခုတော့ မင်း ထည်လဲ သုံးစွဲ
ရတယ် သုံးစွဲ။

စာအုပ်လေးတွေ ဘေးချပြီး မြက်ခင်းပေါ်ထိုင်တုန်းက
ဆန့်ခင်းထားတဲ့ မင်း အချစ်စိတ်နဲ့ ရင်ခုန်သံကို ငါက လျစ်လျူရှုပြီး
ဘ၀ဒဿနတွေ ဖွင့်နေခဲ့မိတယ်
ငါ့ရဲ့ ဒဿနက ဘာလဲ ( ရတယ် မင်းမဖြေနဲ့ )

အချစ်ဟာ မသမာမှုတစ်ခုမဟုတ်ဘူး
လူရှေ့ ဆိုင်ကယ်ဘိန်းထောင် စတန့်ထွင်ခြင်းမဟုတ်ဘူး အချစ်ဆိုတာ
ကျမ်းဆန်ဆန် ချိန်သားကိုက် လှုပ်ရှားမှုတစ်ခုလည်း မဟုတ်ဘူး
ဒါဟာ နေသာတဲ့နေ့မှာ တေးသီခြင်းဖြစ်တယ်
သိမ့်မွေ့မှုနဲ့ ကိုယ်ချင်းစာတရားကို နေရောင်ထဲမှာ ထောင်ကြည့်ခြင်းဖြစ်တယ်
ဒုက္ခတွေကို အတူတူ လက်တွဲဖြေရှင်းရင်း ကဗျာတစ်ပုဒ် ကောက်ရွတ်ခြင်းဖြစ်တယ်
မင်းကို ဒေါကန်တဲ့အခါ ငါ ပြောတတ်တဲ့
ကမ္ဘာ့အကောင်းဆုံး ပျက်လုံးကြီးတစ်ခုလည်း
ဖြစ်သေးတယ်။

အခု ငါ့ ဂျီတော့လစ်(စ်)ထဲက မင်းနာမည်
မင်း ဂျီတော့လစ်(စ်)ထဲက ငါ့နာမည်
မင်း ဖယ်ရှားပစ်လား ငါ ဖယ်ရှားပစ်လား
မဖယ်ဘူး
ဒါဆို ဒီအတိုင်း ထိုင်ကြည့်နေရမှာလား
ရတယ် ကြည့်နေ
ငါတို့ သေတဲ့ထိ ကြည့်နေ
ဘယ်တော့မှ နှုတ်မဆက်နဲ့
ဟဲလို မပြောနဲ့
မင်း ခါးသီးမှုဟာ ငါ့ ခန္ဓာကိုယ်အနှံ့
အဆိပ်လူး ဓားမြှောင်တွေလို မပြတ်တမ်း စိုက်ဝင်တယ်
သူငယ်ချင်းတွေက တဆင့်ရောက်လာတဲ့ ငါ့အပေါ်
မင်းရဲ့ ရင့်ရင့်သီးသီး စွပ်စွဲချက်တွေ ထိုးနှက်မှုတွေ
ငါ အခု ကောင်းကောင်းကြီး ခံယူနေတယ်
ငါရှောင်ပုန်းနေမယ်လို့ မင်းထင်လား
ရတယ် မင်းထင်ပါ
မင်းဆီက တခြားအရာတွေ မမျှော်လင့်ပေမယ့်
( ဥပမာ အရင်လို ချစ်ပါတယ်ဆိုတဲ့ စကား နဲ့ မင်းရဲ့ အသုံးဝင်မှုတွေ)
မင်းမုန်းမှာကိုတော့ ဘယ်တော့မှ မလိုချင်သူ
ရတယ်
ငါ့ကို မင်းမုန်းလိုက်တော့။


အေး ...
ဘ၀ဆိုတာကို တစ်ခုခု မင်း အဓိပ္ပါယ်ဖွင့်လိုက်ပါ
ပြီးရင် ငါ့ပါးကို အကြိမ်နှစ်သန်းလောက် ရိုက်ပြီး
မင်းထွက်သွားပါ
မင်းသွေးအေးသွားပြီလို့ ထင်ရတဲ့ တစ်နေ့နေ့မှာ မင်းကို ငါ ဖုန်းခေါ်မယ်
အတူတူ တစ်ခါလောက် ထမင်းအတူစားမယ်
အရင်လို လမ်း တစ်ခါလောက် အတူလျှောက်ပြီး
ငါတို့ဟာသဇာတ်လမ်းကို တစ်ခါလောက် အတူတူ ရယ်မယ်
ပြီးရင် ဘယ်တော့မှ မတွေ့ကြတော့ဘူး။

( မင်းနာကျင်နေမှာ ကိုတော့ စကားကြီးစကားကျယ်တွေ ပြောတတ်တဲ့ ငါဆိုတဲ့ကောင်က
စိုးရိမ်ပါတယ်တဲ့ )
အဲဒီတော့ ငါ့ကို စာနာသောအားဖြင့် မင်း နာကျင်မနေပါနဲ့။

ငါဟာ ယောင်္ကျားကွ ငါဒေါကန်တဲ့အခါ
ဖန်ခွက်တွေပေါက်ခွဲ ( ဒီလိုပေါက်ကွဲမှုမျိုးနဲ့ )
မင်းကောင်ဆီက အပေါ်ယံ စကားချိုချိုလေးနဲ့တော့
ငါ့ကို လာမနှိုင်းနဲ့
မင်းကောင်တွေက မင်းဆီက ဘာကိုမျှော်လင့်တာလဲလို့ မင်းထင်နေလဲ
မင်းတွေးကြည့် ၊ မင်းစိတ်အေးအေးထားပြီးတွေးကြည့်။

မင်းဘ၀ အောင်မြင်လာတာ ကြည့်ရင်း ငါ ၀မ်းသာတယ်
မင်းဟာ အရင်ကထက် အထက်တန်းဆန်လာပြီး ပိုကြည့်ကောင်းလာတယ်
ငါ့အကြည့်မှာ လိင်စိတ် နဲ့ မျှော်လင့်ချက်ထည့်ပြီးမကြည့်ဘူး ( ရှင်းလား )
ငါ့ မုဒိတာ တရားဟာ မင်း ကိုယ်ပေါ်မှာ ဝေလို့ ဖြာလို့
သီးပွင့်လို့

မင်း အင်္ဂလိပ်စာ ပိုမို ရှင်းလင်း ပြတ်သားလာမှုနဲ့ အတန်းပညာ ဆုံးခန်းတိုင်မှုမှာ
ငါကတော့ ငွေကြေးနဲ့ ပေါင်းသင်းဆက်ဆံရေးဖက်ကို လှည့်နေခဲ့ရ
မင်း မနက်ဖြန် ရွှေရောင်သန်းနေချိန်မှာ ငါ့လူ့အဖြစ်ဟာေ၀၀ါးနေဆဲ
ငါ့ဘ၀က ကြမ်းပါတယ်ကွာ။

နှစ်တွေလည်း ကြာခဲ့ပါပြီ
ခုမှ ငါက သွေးရူးသွေးတန်း ထအော်တာ ( အဲလို ဟုတ်လား )
မိုးလေကင်းလွတ်တဲ့နေ့မှာ အချစ်သီချင်း အသစ်တစ်ပုဒ်တော့
မင်း ဆိုဖြစ်အောင် ဆိုလိုက်ပါ
ဘ၀ဟာ ဘယ်သူမှားတယ် မှန်တယ် ငြင်းခုံနေရုံနဲ့
ကုန်ဆုံးမသွားသင့်ဘူး
မင်းရဲ့ ငယ်ရွယ်နုပျိုမှုတွေနဲ့ မင်း ထက်မြက်မှုမှာ
မင်း ဆုံးဖြတ်ချက် မှန်ကန်ဖို့
မင်း မကြိုးစားရင် မင်း မှားမှာပဲ
အဲဒီတော့
မင်းငါ့ကို လွတ်လွတ်ကျွတ်ကျွတ်ကြီး မုန်းလိုက်တော့။

ပိုင်မင်းဆွေ

၂၉.၁၁.၂၀၀၇
မနက် ၇ နာရီ မိနစ် ၅၀။


..........................................................................................