လယ်ကန်သင်းရိုးပေါ် လေချွန် လမ်းလျှောက်
မြက်ခင်းနဲ့ မြေသားကို ကိုင်တွယ်စမ်းသပ်ကြည့်
ကျွဲတွေကြားထဲ ရွှံ့ရေ ၀င်လူး
ကမ္ဘာမြေဟာ တယ် အရသာရှိပါလား

Pages

Wednesday, August 29, 2007

ခြေရာ

ပန်းချီကားထဲမှာ
မိုးရွာရင် ငုဝါပန်းတွေ ပွင့်ပြီး
တမာတောအုပ်လေးက မွှေးပျံ့လို့ ။

လ္ဘက်ရည်လို
လျှာထဲ စွဲကျန်ရစ်မယ့် အလွမ်းအဆွေး
ဟောင်နွမ်းသွားတဲ့ လွယ်အိတ်လေးက
ဟောင်းနွမ်းသွားတဲ့ ကျောင်းသားဘ၀အကြောင်း
အရေးတယူ ပြောဆိုလို့။

အဆင်မပြေတဲ့အခါ
ဆေးပေါ့လိပ်နားကြားထိုးပြီး လျှောက်ခဲ့တဲ့လမ်း
နောင်နှစ်ပေါင်းများစွာ ကြာလည်း
အရင်လို တဖြည်းဖြည်း မြင့်တက်လို့ ။

" ဟေ့ ....
ဘွဲ့နှင်းသဘင်နဲ့ စာသင်ခန်းမတွေ
ငါတို့ တိုက်ခတ်ဖူးတယ် ဆိုတဲ့အကြောင်း
ငါတို့ သီချင်းတွေ အော်ဆိုဖူးတယ် ဆိုတဲ့အကြောင်း
ငါတို့ ထားရစ်ခဲ့တဲ့ အရေးအသားတွေကတဆင့်
နှောင်းလူတို့အား လက်ဆင့်ကမ်း ပြောပြပေးပါ "
နံရံမှာ ရေးထိုးခဲ့ကြ
သစ်သား ခုံတန်းပေါ် ထွင်းထုခဲ့ကြ
ခေတ်တွေအား လက်ဆင့်ကမ်း သယ်ဆောင် ရှေ့ဆက်လို့ ။


ပိုင်မင်းဆွေ

* ဟိုးယခင် MIT ၊ ယခု MTU ( မန္တလေးနည်းပညာ တက္ကသိုလ် ) ကျောင်းထွက်
ကျောင်းသားဟောင်းများအား အထူးရည်ရွယ်၍ ကျောင်းသား ဘ၀ ဖြတ်သန်းဖူးသော
အယောက်တိုင်း အယောက်တိုင်း သို့ .........................။

Saturday, August 25, 2007

အချစ်အကြောင်း

နားကြပ်နဲ့
သူ့ရင်ဘတ်ကို ထိစမ်းနေတယ်။

သူ့လက်ဖျံ ဆိုတာလည်း
ဆေးတွေစီးဆင်းရာ မြေနိမ့်ဒေသ။

သူဟာ သေဆုံးပြီးသား ဆိုတဲ့အကြောင်း
သူလည်း အကြိတ်အနယ် ရှင်းပြထားတာပဲ။

" အသက်ကယ်ဆေးတွေ ထပ်ရောက်လာပြန်တယ် " ။

ပိုင်မင်းဆွေ


Thursday, August 23, 2007

ပုံပြင် ၂

အရိပ်ရတဲ့ မယ်ဇယ်ပင်တန်းတွေက
သူတို့အကြောင်း ကောင်းကောင်းသိတယ်။

ညနေတိုင်း သူတို့ကို စောင့်နေပါတယ်ဆိုတဲ့
သစ်သား နှစ်ယောက်ထိုင်ခုံလေး။

ဝါးပင်တွေ ငုဝါပန်းဆိုင်းတွေ
ရယ်သံတွေနဲ့ လုပ်ထားတဲ့ ချိန်းဆိုခြင်းတွေ
အခုတော့ အသက်ငင်နေတဲ့ လူအပြတ်ဆုံးလမ်းကလေး
တချိန်က ဒီလမ်းကလေးမှာ
လက်တွဲလမ်းလျှောက်ခဲ့ဖူးတာတွေ အဆင်မပြေခဲ့ကြတာတွေ။

အတူတူ တရှိုက်မက်မက် လွယ်ခဲ့ဖူးသော
လမ်းလျှောက်ရင် တလွင့်လွင့် လွယ်အိတ်အစီမ်းလေးများ။

ကျပျောက်သွားတဲ့ ကြယ်တွေကို
သူတို့အတူ လိုက်ရှာဖူးတယ်
မတွေ့တော့ ငိုခဲ့ဖူးတယ်
သူတို့မျက်ရည်တွေကို မိုးလည်းလိုက်မမီဘူး။

အဲဒီမှာ တမာပင် ရှိတယ်
ခင်ဗျားက မတော်တဆ မေးမိခဲ့ရင် တမာပင်က ပြောပြလိမ့်မယ်
သူတို့ ဇာတ်လမ်းလေးက ဒီလို... ဆိုတဲ့အကြောင်း
သူတို့ အမောတကော စီဆင်းဖူးတဲ့
အလွမ်းတကာ့ အလွမ်းဆုံး စမ်းချောင်း။

ပိုင်မင်းဆွေ
.................................................

Monday, August 20, 2007

ဒဏ်ရာ ၉

လိုအပ်တဲ့အကွက်ဆီ
လက်မရွှေနိုင်တော့ဘူး
ချထားလိုက်ရတဲ့ ဂစ်တာ
ချထားလိုက်ရတဲ့ ချစ်ခြင်းမေတ္တာ။

သွားတော့နော် ကလေးမ
ရထားက စထွက်နေပြီ။

ငါမပြောဖူးတဲ့ စကားကို
ငါပြောတယ်
ငါ စိတ်မခိုင်ဘဲနဲ့
ငါ အော်ကျယ်အော်ကျယ် လုပ်ခဲ့တယ်
ပြီးတော့လည်း ငါ တစ်ယောက်ထဲ ငိုနေရတယ်
လူရှေ့သူရှေ့ လန်ကျသွားတဲ့ ဖဲလို
ငါဟာ တန်ဖိုးမရှိ ရှက်ရွံ့နာကျင်စွာ။

ပိုင်မင်းဆွေ
၂၀၀၄
မန္တလေးနည်းပညာတက္ကသိုလ် ကဗျာစာအုပ်

Thursday, August 16, 2007

ချစ်ခြင်း


ကိုကိုနဲ့ ညီလေးရဲဝင်း
ငယ်ငယ်တုန်းက ရိုက်ထားတဲ့ ဓါတ်ပုံ
ကိုကို့ ရင်ခွင်ထဲမှာ ရဲဝင်းက ပြုံးလို့ ။

မေတ္တာတရားဟာ လူကို တုန်လှုပ်စေတယ်
ဒါကို မင်းလက်ခံလား။

မင်းတွေးကြည့်
မင်းသိရမှာ။

မင်းဒုက္ခရောက်တဲ့ အချိန်တိုင်း မင်းအိပ်မက်တွေထဲကို
အပြေးပျံသန်းလာမယ့် ငှက်တစ်ကောင်
အဲဒါ တခြားလူမဟုတ်ဘူး
အဲဒါ ကိုကိုပဲ
ရဲဝင်း။

ပိုင်မင်းဆွေ

၂၀၀၄
မန္တလေး နည်းပညာတက္ကသိုလ် ကဗျာစာအုပ်။